|
И да умеам да зборувам на сите можни јазици,човечки и ангелски
а немам Љубов,
јас би бил како гонг што одѕвонува,
како цимбал што ѕвечи,
И да имам дарба да пророкувам,
да ги знам сите тајни,
да го имам собрано целото знаење,да имам вера што планини поместува
а немам љубов-
не вредам ништо!
И да раздадам на сиромаси се што имам,
па и сопственото тело да си го жртвувам,
а немам љубов-ништо не сум постигнал!
Да имаш љубов,значи:
да имаш голема стрпливост и
да бидеш љубезен,
да не си завидлив,
да не се фалиш,да не се вообразуваш,
да не бидеш груб,да не бидеш себичен
да не бидеш избувлив,да не паметиш зло
да не се радуваш на ниедна неправда
а да се радуваш на вистината
секогаш да имаш разбирање за другите,
секогаш да веруваш
секогаш да се надеваш и се да поднесуваш
Љубовта е вечна,
а пророкувањата ќе престанат,
зборувањето на непознати јазици ќе молкне
сегашното знаење ќе се надмине.
Зошто,нашето знаење е нецелосно,
па и пророштвата само малку ни откриваат,
а кога ќе дојде времето на совршенството,се што е нецелосно ќе исчезне.
Кога бев дете,зборував како дете,
размислував како дете и расудував како дете.
Кога станав зрел човек,
престанав да се однесувам како дете,
ИЗВАДОК ОД БИБЛИЈАТА
|
35